Liknar på kortspelet 101. Målet med spelet er å få flest poeng.

Før spelet byrjar trekkjer ein trumffarge. Viss t. d. hjerterfem blir trukke blir hjerter trumf og hjerter knekt blir vissa (høgaste kort) og ruterknekt blir uvissa (nest høgaste kort). Tiarar er rekna som høgare enn konge.

Kvar spelar får utdelt 6 kort. Ein skal alltid ha seks kort på handa.

Spelaren til venstre for gjevar byrjar spelet. Ein legg ut tre kort om gongen, med mindre ein har ein force i samme farge, da kan ein leggje ut heile forca + eit ekstra kort. Har du t. d. fire spar kan du leggje ut alle fire pluss eitt ekstra kort. Har du fem spar kan du leggje ut alle seks korta på handa di.

For at motspelaren kan ta stikket må ALLE korta han legg ut vere høgare enn korta fyrste spelaren la ut. Derfor er trumf og visser ekstremt verdifulle. Motspelaren kan også la vere å ta stikket, da er det lurt å leggje låge kort som ikkje gjev poeng.

Etter stikket er tatt trekker kvar spelar kort frå bunken til dei har seks på handa igjen. Den som tok stikket får leggje ut fyrst igjen.

Slik fortset spelet til bunken i midten er tom.

Til slutt tel kvar spelar poenga i bunken sin:
- Ess, vissa og uvissa tel 11 poeng
- Ti er 10
- Konge er 4
- Dame er 3
- Knekt (som ikkje er vissa eller uvissa) er 2

Den med flest poeng er vinnaren!